ukol sa I Corinto 1:25 - Ang kamangmangan at kahinaan ng Diyos, meron ba?

Mayroong mga tagapagtaguyod diumano ng mga salita ng Diyos ang nagtuturo na ang Diyos daw ay may masusumpungang Kamangmangan at kahinaan, totoo nga kaya ito lalaung lalu na sa talatang ginagamit nila na masasaksihan natin sa ibaba:

1 Corinto 1:25 Sapagka't ang kamangmangan ng Dios ay lalong marunong kay sa mga tao; at ang kahinaan ng Dios ay lalong malakas kay sa mga tao. (Ang Dating Bibliya 1905)

Ngunit kasangayon po ba ito ng katuruan ng bibliya ukol sa kapangyarihan at karunungan ng Diyos?

Sa mga nagtataguyod ng ganito ay magkakaroon ng napaka-laking problema sapagkat kabaliktaran ang sinasabi ng Bibliya, tunghayan natin kung papaanong ipinakikilala ng mga banal na kasulatan kung gaano karunong an gating Panginoong Diyos:

Kawikaan 3:19 Nilikha ng Panginoon ang lupa sa pamamagitan ng karunungan; itinatag niya ang langit sa pamamagitan ng kaunawaan.

Ang mga baga-bagay sa mundo ay hindi nalamang basta itinapon nang ito ay lalangin, ang balanse at pagkakasunod-sunod nito ay nangangailangan ng mataas na uri ng karunungan na humihigit sa katalinuhan ng sangkatauhan. At ni isa sa kasaysayan ang naka-pantay sa katalinuhang ito.

Kaya bang tapatan ng tao lamang ang katalinuhan ng Diyos?

Job 9:4 Ang Diyos ay matalino at makapangyarihan,sinong lumaban na sa kanya at nagtagumpay?(BMBB)

Isang malinaw na sagot po ay “hindi” at kahit na ang pinakadakilang tao sa kasaysayan ay hindi maihahalintulad sa karunungan ng Diyos. Eh baka naman daw sa kapangyarihan eh may mkakapantay na sa kanya, tunghayan natin ang nkasulat:

Job 36:22 "Alalahanin mong ang Diyos ay makapangyarihan,pinakadakilang guro sa lahat ng bagay.(BMBB)

Isaias 37:16 "O Yahweh na Makapangyarihan sa lahat, Diyos ng Israel, lumikha ng langit at lupa. (BMBB)

Samakatuwid, ginamit lang naman ng Diyos ang kanyang karunungan at kapangyarihan sa paglikha ng langit at lupa.

Balikan natin ang talatang nagsasabing may kamangmangan daw at kahinaan ang Diyos

1 Corinto 1:25 Sapagka't ang kamangmangan ng Dios ay lalong marunong kay sa mga tao; at ang kahinaan ng Dios ay lalong malakas kay sa mga tao. (Ang Dating Bibliya 1905)

Ibaba po natin sa mga talatang 27 hanggang 28 pa at magiging malinaw na sa atin ang ibigsabihin ng talatang 25 gamit ang parehong salin ng bibliya.

27 Kundi pinili ng Dios ang mga bagay na kamangmangan ng sanglibutan, upang hiyain niya ang mga marurunong; at pinili ng Dios ang mga bagay na mahihina ng sanglibutan, upang hiyain niya ang mga bagay na malalakas;

28 At ang mga bagay na mababa ng sanglibutan, at ang mga bagay na hinamak, ang pinili ng Dios, oo at ang mga bagay na walang halaga upang mawalang halaga ang mga bagay na mahahalaga

Ang terminong “kundi” sa talatang 27 ay isang pangatnig na nagpagpapahayag ng paghahambing, paghahambing sa katalinuhan ng tao at ng katalinuhan ng Diyos.

Sa talatang 25 naman ay patungkol sa pagaakala ng mga matatalinong hindi mananampalataya na ang karunungan ng Diyos ay wala namang halaga. Kung kaya ang pinili o tinawag ng Diyos ay yung mga taong hindi naman mataas ang pinagaralan, mga ordinaryong tao at mga mahihina pa (ICor.1:26). sa kagustuhan ding hiyain Niya ang mga marurunong (ICor.1:27)

Ganito ang pagkakasalin ng isang salin ng Bibliya sa I Cor. 1:25

“Sapagkat ang inaakala nilang kahangalan ng Diyos ay karunungang higit pa sa karunungan ng tao, at ang inaakala nilang kahinaan ng Diyos ay kalakasang higit pa sa kalakasan ng tao.” (BMBB)

Kanan ng Diyos

ang Kahulugan ng salitang "Kanan ng Diyos"

Ang Kanan ng Diyos ay hindi literal na ang Diyos ay may mga kamay, ito ay isang Isang figure of speech na may kahulugang ultimate power at authority ng Diyos na kung saan naman ang exalted na Cristo ay nakaupo ngayon.

Tumutukoy ito sa kanyang kapangyarihan:

" Ikaw ay may makapangyarihang bisig: malakas ang iyong kamay, at mataas ang iyong kanang kamay." (Psalms 89:13)

Bilang pagkalinga:

"Aking inilagay na lagi ang Panginoon sa harap ko: sapagka't kung siya ay nasa aking kanan, hindi ako makikilos."(Psalms 16:8)

"Ang kaluluwa ko'y nanununod na mainam sa iyo: inaalalayan ako ng iyong kanan."(Psalms 63:)

"Doon ma'y papatnubayan ako ng iyong kamay, at ang iyong kanang kamay ay hahawak sa akin."(Psalms 139:10)

"13 Sapagka't akong Panginoon mong Dios, ay hahawak ng iyong kanang kamay, na magsasabi sa iyo, Huwag kang matakot; aking tutulungan ka. " (Isa. 41:13)

bilang presensya ng Diyos:

" Iyong ituturo sa akin ang landas ng buhay: nasa iyong harapan ang kapuspusan ng kagalakan; sa iyong kanan " (Ps.16:8)

bilang kapangyarihan ng Diyos na magligtas:

"Upang ang iyong minamahal ay makaligtas, magligtas ka ng iyong kanan, at sagutin mo kami. " (Ps. 60:5)

" Upang ang iyong minamahal ay maligtas, magligtas ka ng iyong kanan, at sagutin mo kami. "(Ps. 108:6)

" Ipakita mo ang iyong mga kagilagilalas na kagandahang-loob, Oh ikaw na nagliligtas sa kanila na nagsisipagkanlong sa iyo. Sa nagsisibangon laban sa kanila, sa pamamagitan ng iyong kanan. " (Ps.17:7)

bilang tagumpay:

" Iyo namang ibinigay sa akin ang kalasag na iyong pangligtas: at inalalayan ako ng iyong kanan, at pinadakila ako ng iyong kahinahunan. " (Ps.18:35)

" Sapagka't hindi nila tinamo ang lupain na pinakaari sa pamamagitan ng kanilang sariling tabak, ni iniligtas man sila ng kanilang sariling kamay: kundi ng iyong kanan, at ng iyong bisig, at ng liwanag ng iyong mukha, sapagka't iyong nilingap sila. " (Ps.44:3)

" Huwag kang matakot, sapagka't ako'y sumasaiyo; huwag kang manglupaypay, sapagka't ako'y iyong Dios; aking palalakasin ka; oo, aking tutulungan ka; oo, aking aalalayan ka ng kanang kamay ng aking katuwiran." (Ps.41:10)

"Ang iyong kanan, Oh Panginoon, ay maluwalhati sa kapangyarihan. Ang iyong kanan, Oh Panginoon, ay dumudurog ng kaaway." (Exo. 15:6)

simbolo ng kahanga-hangang gawa ng Diyos:

"At sa iyong kamahalan ay sumakay kang may kaginhawahan, dahil sa katotohanan, at sa kaamuan, at sa katuwiran: at ang iyong kanan ay magtuturo sa iyo ng kakilakilabot na mga bagay. " (Ps.45:4)

" At aking sinabi, Ito ang sakit ko; nguni't aalalahanin ko ang mga taon ng kanan ng Kataastaasan. " (Ps. 77:10)

"15 Ang tinig ng kagalakan at kaligtasan ay nasa mga tolda ng matuwid: ang kanan ng Panginoon ay gumagawang matapang."

"16 Ang kanan ng Panginoon ay nabunyi; ang kanan ng Panginoon ay gumagawang matapang. " (Ps.118:15-16)

"Oo, ang aking kamay ay siyang naglagay ng patibayan ng lupa, at ang aking kanan ay siyang nagladlad ng langit: pagka ako'y tumatawag sa kanila, sila'y nagsisitayong magkakasama." (Isa.48:13)

bilang hatol ng Diyos:

"4 Kaniyang iniakma ang kaniyang busog na parang kaaway, kaniyang iniyamba ang kaniyang kanan na parang kalaban, at pinatay ang lahat na maligaya sa mata: sa tolda ng anak na babae ng Sion ay kaniyang ibinuhos ang kaniyang kapusukan na parang apoy. " (Panaghoy 2:4)

"16 Ikaw ay puno ng kahihiyan, at hindi ng kaluwalhatian: uminom ka naman, at maging gaya ng isang hindi tuli; ang saro ng kanan ng Panginoon ay mababalik sa iyo, at kasuklamsuklam na kahihiyan ang mahahalili sa iyong kaluwalhatian." (Hab. 2:16)

Iisang Panginoon

Ang Apostol Pablo ay kinikilala ang IISANG Panginoong Jesu-Cristo (I Cor. 8:6)  sapagkat ang Diyos mismo ang GUMAWA sa kanya bilang PANGINOON AT CRISTO (Gawa 2:36) ang pagiging Panginoon ni Cristo ay HINDI LIKAS at walang IBANG TAONG PINAGBIGYAN NG TITULONG ITO kaya nga sya ay IISANG PANGINOONG.

1 Corinto 8:6

6 subalit para sa atin ay IISA LAMANG ANG DIYOS, ANG AMA, ang Ama na lumikha ng lahat ng bagay, at tayo'y nabubuhay para sa kanya. IISA ANG PANGINOON, SI JESU-CRISTO, at sa pamamagitan niya'y nilikha ang lahat ng bagay, at sa pamamagitan din niya'y nabubuhay tayo.

Mga Gawa 2:36

36 "Kaya't dapat malaman ng buong Israel na itong si Jesus na ipinako ninyo sa krus ay siyang GINAWA NG DIYOS na Panginoon at Cristo!"

Samantala, sa Marcos 12:29. Kinikilala ng Panginoong Jesu-Cristo ang Iisang Panginoong-Diyos. Ang pagiging PANGINOONG ng Diyos AY LIKAS SA KANIYA.

29 Sumagot si Jesus, "Ito ang pinakamahalagang utos: 'Pakinggan mo, Israel! Ang Panginoon nating Diyos ang tanging Panginoon.

Naninidigan kami sa pagkilala sa IISANG PANGINOONG-DIYOS AT IISANG PANGINOONG JESU-CRISTO. Sangayon narin sa katuruan ni Cristo sa Mateo 22:44

Na sinasabing

41           Tinanong naman ni Jesus ang mga Pariseong nagkakatipon doon. 42        "Ano ang pagkaalam ninyo tungkol sa Cristo? Kanino siyang anak?"

               "Kay David po," sagot nila.

               43            Sabi ni Jesus, "Kung gayon, bakit siya tinawag ni David na 'Panginoon' nang nasa kanya ang Espiritu? Ganito ang kanyang sinabi,

44           ‘SINABI NG PANGINOON SA AKING PANGINOON:

Maupo ka sa kanan ko,

hanggang lubusan kong mapasuko sa iyo ang mga kaaway mo.'

45           Ngayon, kung si David ay tumawag sa kanya ng 'Panginoon,' paanong masasabing anak ni David ang Cristo?"

KUNGA KAYA, ang Panginoong nagsalitang “maupo ka sa kanan ko ay ang Panginoong Diyos”

At ang Panginoong kausap nya ay ang Panginoong Jesu-Cristo

Patayong Panalangin, Masama ba?

Mayroong mga pumupuna ukol sa patayong panalangin ng mga kaanib sa Iglesia Ni Cristo at kanila ring sinasabi na mali at masama dahil paimbabaw daw ito umano.


Mateo 6:5
 (SND)
5 Kapag ikaw ay mananalangin, huwag mong tularan ang mga mapagpaimbabaw. Ito ay sapagkat gustong-gusto nilang manalangin habang nakatayo sa mga sinagoga at sa mga panulukang-daan upang makita sila ng mga tao. Katotohanang sinasabi ko sa inyo: Tinanggap na nila ang kanilang gantimpala.

Tapos ay susundan ng talatang ito

Salmo 95:6
6 Oh magsiparito kayo, tayo'y magsisamba at magsiyukod; tayo'y magsiluhod sa harap ng Panginoon na May-lalang sa atin.

Diumano yan ang wastong posisyon na nararapat sa pananalangin, ngunit sa talatang Mate 6:5 mapupuna natin na hindi naman ipinagbawal ng ating Panginoong HesusKristo ang posisyon ng patayong panalangin kundi ang motibo ng kanilang panalangin na "mapagpaimbabaw".

Ang totoo nyan, tumayo, umupo at lumuhod ka man ay diringgin ng Panginoong Diyos ang panalangin ng taong hindi mapagpaimbabaw. May tala ang Banal na kasulatan na ganito ang mababasa:

Lucas 18
 10 May dalawang lalaking nagsipanhik sa templo upang magsipanalangin; ang isa'y Fariseo, at ang isa'y maniningil ng buwis. 11 Ang Fariseo ay nakatayo at nanalangin sa kaniyang sarili ng ganito, Dios, pinasasalamatan kita, na hindi ako gaya ng ibang mga tao, na mga manglulupig, mga liko, mga mapangalunya, o hindi man lamang gaya ng maniningil ng buwis na ito. 12 Makalawa akong nagaayuno sa isang linggo; nagbibigay ako ng ikapu ng lahat kong kinakamtan. 13 Datapuwa't ang maniningil ng buwis, na NAKATAYO SA MALAYO, ay ayaw na itingin man lamang ang kaniyang mga mata sa langit, kundi dinadagukan ang kaniyang dibdib, na sinasabi, Dios, ikaw ay mahabag sa akin, na isang makasalanan.     14 Sinasabi ko sa inyo, Nanaog at umuwi sa kaniyang bahay ang taong ito na inaaaringganap kay sa isa: sapagka't ang bawa't nagmamataas sa kaniyang sarili ay mabababa; datapuwa't ang nagpapakababa sa kaniyang sarili ay matataas.

Ang Fariseo ay nagmataas sa mga mabuting ginawa nya samantalang ang isa naman ay umaming makasalanan at sa talata ay sinabi pa na dinadagukan ang kanyang dibdib.
Sa pagpapatuloy, hindi rin sinabi ng Panginoong HesusKristo na mali at masama ang manalangin ng nakatayo.

Marcos 11
25At kailan man kayo'y NANGAKATAYONG NAGSISIPANALANGIN, mangagpatawad kayo, kung mayroon kayong anomang laban sa kanino man; upang ang inyong Ama naman na nasa langit ay patawarin kayo ng inyong mga kasalanan.

Narito pa ang ilang tala sa bibliya:

1 Samuel 1
 26 Sinabi ni Ana, "Kung natatandaan ninyo, ako po ang babaing nakita ninyong NAKATAYO rito noon at nanalangin kay Yahweh.

Kaya mali ang tuligsa ng ilan sa istilo ng pananalangin ng mga kaanib sa Iglesia Ni Cristo habang nakatayo sapagkat maaari kang manalangin ng nakaluhod, nakaupo at nakatayo.

Ang Paggalang sa Magulang

Ang Paggalang sa Magulang

Dapat lamang na tayong mga Anak ay tumanaw ng utang na loob sa ating mga magulang na nagbigay sa atin ng buhay. Bagamat hindi lahat ng mga anak ay nabigyan ng maginhawang buhay, nararapat lamang na mahalin natin sila, lalung lalu na yaong mga napagkalooban ng maginhawang pamumuhay. Mayroon bang utos ang Diyos ukol rito?

Efeso 6:1-3

     Mga anak, sundin ninyo ang inyong mga magulang sa Panginoon, a sapagkat ito ang nararapat. 2    "Igalang mo ang iyong ama at ina." Ito ang unang utos na may kalakip na pangakong 3    "Ikaw ay giginhawa at hahaba ang iyong buhay sa lupa."

Sadyang napakahalaga ang uto sa paggalang sa ating mga magulang sa kadahilanang ito ang unang utos na may kalakip na pangako. At bukod sa pangakong ito, mayroon pang mabuting ibubunga sa atin kapag iginalang natin sila.

Ecclesiastes 3:3-4

3    Ang gumagalang sa kanyang ama'y nagbabayad na sa kanyang kasalanan,

4    at ang nagpaparangal sa kanyang ina'y parang nag-iimpok ng kayamanan.

Binanggit sa talata na ang paggalang sa magulang bukod sa pangakong nauna ay nagbubunga rin ng ikapagbabayad o ikapagpapatawad ng ating kasalanan at tayo ay parang nag-iimpok ng kayamanan. Kaya ngat marapat lamang na tayoy magbigay-galang sa kinasangkapan ng ating Panginoong Diyos.

Kung mayroong utos ang Diyos kung papaano natin dapat ituring ang ating mga magulang, mayroon ding banggit ang Bibliya kung papaano nating huwag dapat na gawin sa ating mga magulang. Tulad ng narito.

Kawikaan 30:11

11    May mga taong naninira sa kanilang ama, masama ang sinasabi tungkol sa kanilang ina.

Ayaw ng Diyos na nilalapastangan ng mga Anak ang kanilang mga magulang. Kaya ngat mayroon pang banggit sa bibliya ng ganito:

Lev 20:9

    9    "Ang sinumang magmura sa kanyang ama at ina ay dapat patayin. Mananagot ang sinumang lumait sa kanyang ama at ina.

Maliwanag ang pasya ng Diyos ay kamatayan sa mga lapastangan sa kanilang magulang. Gayun din naman ang mapanglait sa kanila.

Mat 15:4

 4    Sinabi ng Diyos, 'Igalang mo ang iyong ama at ina' at, 'Ang sinumang lumait sa kanyang ama o ina ay dapat patayin.'

Maliwanag lamang na ang mga taong magalang sa kanilang magulang ay magtatamo ng buhay kabaligtaran ng mga anak na lapastangan sa kanila.

Kung nararapat lamang na igalang at mahalin natin ang ating mga magulang bilang utos ng Diyos, Huwag din naman nating malimutan ang ating Pag-ibig sa ating Tagapaglikha.

Mateo 10

 

37    "Ang umiibig sa kanyang ama o ina nang higit sa akin ay hindi karapat-dapat sa akin. Ang umiibig sa kanyang anak nang higit sa akin ay hindi karapat-dapat sa akin.

Ating pakatandaan na ang lahat ng higit o sobra ay nakakasama sapagkat sa bandang huli ang Diyos parin ang ating huling takbuhan.

Awit 27

10    Itakwil man ako ng aking ama at ina,

si Yahweh ang sa akin ay mag-aaruga.

Ano pa ba ang bilin ng Diyos sa ating mga Anak na nagnanais magtagumpay?

Kawikaan 23:22-25

22    Pakinggan mo ang iyong ama na pinagkakautangan mo ng buhay, at huwag hahamakin ang iyong ina kapag siya'y matanda na. 23    Hanapin mo ang katotohanan, karunungan at unawa. Pahalagahan mo ang mga ito at huwag pababayaang mawala. 24    Ang ama ng taong matuwid ay puno ng kagalakan. Ipinagmamalaki ng ama ang anak na matalino. 25    Sikapin mong ikaw ay maging karapat- dapat ipagmalaki ng iyong mga magulang at madudulutan mo ng kaligayahan ang iyong ina.

  Exodo 20:12

12    "Igalang mo ang iyong ama at ina. Sa gayo'y mabubuhay ka nang matagal sa lupaing ibinibigay sa inyo ni Yahweh na inyong Diyos.

Kawikaan 1:8

8    Anak ko, dinggin mo ang aral ng iyong ama,

at huwag ipagwalang-bahala ang turo ng iyong ina;

9    sapagkat ang mga iyon ay parang korona sa iyong ulo,

parang kuwintas na may dalang karangalan.

Ano naman ang Banta ng ating Panginoong Diyos sa mga suwail at tampalasang Anak?

Deutronomio 27:16

 16    "'Sumpain ang sinumang hindi gumagalang sa kanyang ama at ina.'

"Sasagot ang sambayanan: 'Amen.'

Ang Habag ng Diyos sa mga Tao na nagkasala

Mayroong Relihiyon na nagtataguyod ng Doktrinang kapagka natiwalag sa kanilang samahan ang isa nilang kaanib dahil sa mga paglabag at pagkakasala ay hindi na nila pinapayagang muli pang makabalik ang mga ito sa kanilang relihiyon bilang kapatawaran. At ang tinutukoy ko po ay ang samahang Ang Dating Daan.

Sila po ay gumagamit rin ng talata ng Bibliya ukol dito tulad ng narito:

Hebreo 6:4-6

4 sapagkat paano pang magsisisi at manunubalik ang mga tumalikod na sa kanilang pananampalataya? Datiy naliwanagan na sila, nakalasap ng makalangit na kaloob at naging kabilang sa mga tumatanggap ng Espiritu Santo. 5 Nakalasap na rin sila ng kabutihan ng Salita ng Diyos, at nakadama ng kapangyarihan ng Diyos na lubusang mahahayag sa panahong darating. 6 Kapag sila'y tumalikod pagkatapos ang lahat, hindi na sila maaari pang maakay sa pagsisisi at mapanumbalik sapagkat muli nilang ipinapako sa krus at inilalantad sa kahihyan ang Anak ng Diyos.

Kung ating susuriin ang talata, ni hindi manlang nabanggit kung ano ang kahihinatnan ng mga "itiniwalag" sapagkat ang binabanggit sa talata ay yaong mga "tumalikod" lamang.

Aming ipagpapauna na ang "pagtalikod" ay iba sa "pagtitiwalag"

Sino ba ang itinitiwalag?

1Corinto5:12-13

 Kung sabagay, wala akong karapatang humatol sa mga hindi Cristiano; ang Diyos ang hahatol sa kanila. Hindi ba't ang mga nasa loob ng iglesya ang dapat ninyong hatulan? Sabi nga sa kasulatan, "Itiwalag ninyo sa inyong samahan ang masamang tao."

Ang pagtitiwalag ay ang pag-aalis ng mga kaanib na nakagawa ng mga kasalanan o ng mga labag sa utos.

Papaano naman yaong mga taong nakahandang magsisi dahil sa mga kasalanan?

Mateo 12:31

Kaya nga, sinasabi ko sa inyo: Lahat ng uri ng kasalanan at pamumusong ay ipatatawad sa mga tao. Ngunit ang pamumusong laban sa Banal na Espiritu ay hindi ipatatawad sa mga tao.(ASD)

 Ano naman ang Katumbas ng Pagtalikod?

Ecclesiastico 10:

12Ang kapalaluan ng tao ay nagsisimula sa pagtalikod sa Panginoon,

at sa paghihimagsik laban sa lumikha sa kanya.

13 Sapagkat ang simula ng kapalaluan ay kasalanan,

ang nananatiling palalo ay nakakagawa ng maraming kasamaan,

kaya't katakut-takot na parusa ang ipadadala sa kanila ng Panginoon,

hanggang sa sila'y tuluyang malipol.

Sino ang dapat patawarin?

Joel 2:13

Magsisi kayo nang taos sa puso,

at hindi pakitang-tao lamang.”

Magbalik-loob kayo kay Yahweh na inyong Diyos!

Siya'y mahabagin at mapagmahal,

hindi madaling magalit at wagas ang pag-ibig;

laging handang magpatawad at hindi nagpaparusa sa

nagsisisi.

Ang taong nagsisisi ng taos sa puso at nagbabalik-loob ay mayroong kapatawaran.

Ano ang paanyaya ng Diyos para sa mga taong nakagawa ng pagkakasala.

Isaias 1:18

 Magsiparito kayo ngayon, at tayo'y magkatuwiranan,

sabi ng Panginoon: bagaman ang inyong mga kasalanan

ay maging tila mapula, ay magiging mapuputi na parang

niebe; bagaman maging mapulang gaya ng matingkad na

pula, ay magiging parang balahibo ng bagong paligong

tupa, 19Kung kayo'y magkusa at mangagmasunurin,

kayo'y magsisikain ng buti ng lupain: 20Nguni't kung

kayo'y magsitanggi at manganghimagsik, kayo'y lilipulin

ng tabak: sapagka't sinalita ng bibig ng Panginoon.

At narito ang Matuwid na Tuntunin ng Diyos

Ezekiel 18: 22 - 23

22 Kakalimutan na ang lahat ng nagawa niyang

kasalanan at mabubuhay siya dahil sa kabutihang

ginawa niya sa bandang huli.

23 Hindi ko ikinasisiya ang kamatayan

ng masama,"

sabi pa ni Yahweh. "Ang ibig ko nga,

siya'y magsisi at

magbagong-buhay.

Ang Diyos ng Iglesia Ni Cristo ay Matuwid,

 hindi katulad

  ng Bulaang Propeta na nagpapakilalang

sya ay Diyos

din!